सान्जेन जलविद्युत कम्पनी लिमिटेडले निष्काशन गरेको आईपिओ आज आइतबार बाँडफांड भएको छ। सञ्चयकोषका सञ्चयकर्ताको लागि कम्पनीले ७१ लाख १७ हजार ५०० कित्ता साधारण सेयर निष्काशन गरेको थियो । जस मध्ये ५० देखि ३ सयसम्मको लागि आवेदन दिएका १ लाख ८५ हजार ३५ जना सञ्चयकोषका सञ्चयकर्ताले समान ३० कित्ता पाएका छन् । बाँकि रहेको १५ लाख ६६ हजार ४ सय ५० कित्ता फेरी बाँडफाद गर्दा १ लाख ५६ हजार ६ सय ४५ जनाले थप १० कित्ता पाएका छन् ।
त्यस्तै संस्थापक कम्पनीका कर्मचारीतर्फ १ सय ४० कित्ता सम्म आवेदन दिनेले माग अनुसार कै शेयर पाएका छन् । १ सय ५० देखि ३ सय कित्ताको लागि आवेदन दिनेले समान १ सय ४० कित्ता पाएका छन् । बाँकि रहेको २७ हजार ४ सय ६० कित्ता फेरी बाँडफांड गर्दा २ हजार ७ सय ४६ जनाले थप १० कित्ता पाएका छन् ।
कसरी हेर्ने नतिजा ?
आइपीओको नतिजा बिजपाटि डटकममा प्रकाशित भएको छ।
बिजपाटि डटकमको मेनुबारमा रहेको आइपीओ रिजल्ट (IPO) मा क्लिक गरेर नतिजा हेर्न सक्नु हुनेछ । तपाईले Check Your IPO Result भन्ने देख्नुहुन्छ। त्यहाँ सान्जेंन जलविद्युतको संचयकोषको कर्मचारी र संस्थापकका कर्मचारीको छुट्टाछुट्टै शिर्षक छ । आफुलाई चाहिने शिर्षक छनौट गर्नुहोस। तपाईले आफ्नो नाम मात्र राखेर पनि नतिजा हेर्न सक्नुहुन्छ।