रसुवागढी हाइड्रोपावर कम्पनी लिमिटेड र सान्जेन जलविद्युत कम्पनी लिमिटेडले निष्काशन गरेको आइपीओ बाँडफांड भएको छ। दुवै कम्पनिले सञ्चयकोषका सञ्चयकर्ताको लागि आइपीओ निष्काशन गरेका थिए।
रसुवागढी हाइड्रोपावर
रसुवागढी हाइड्रोले सञ्चयकोषका सञ्चयकर्ताको लागि १ करोड ३३ लाख ४२ हजार ९५ कित्ता साधारण सेयर निष्काशन गरेको थियो । आईपिओमा १ लाख ८७ हजार ८७८ जनाको आवेदन स्वीकृत भएको छ ।
आईपिओमा ५० देखि ७० कित्तासम्म सेयर माग गरेका सञ्चयकोषका सञ्चयकर्ताले माग अनुसार नै सेयर प्राप्त गरेका छन् । ७० देखि ५ सय कित्ताको लागि आवेदन दिनेले ७० कित्ता शेयर पाएका छन् । बाँडफाँट गर्दा बाँकी रहेको ६ लाख ८० हजार १८५ कित्ता सेयर गोलाप्रथाबाट ८० कित्ता वा बढी माग गर्नेले १० कित्ता थप शेयर पाएका छन । त्यसपछि बाँकि रहेको ५ कित्ता शेयर ८० देखि ५ सय कित्ता माग गर्ने मध्ये ५ जनालाई १-१ कित्ता थप गरि बाँडफाड गरिएको छ ।
त्यस्तै संस्थापक कम्पनीका कर्मचारीतर्फ ८ हजार ९ सय ६४ आवेदन योग्य भएको छ । जस मध्ये २ सय ५० कित्तासम्म आवेदन दिनेले माग गरे अनुसार कै शेयर पाएका छन् । २ सय ७० देखि ५०० कित्ताको लागि आवेदन दिनेले २ सय ६० कित्ता शेयर पाएका छन्।
सान्जेन जलविद्यु कम्पनि लिमिटेड
सान्जेन जलबिद्युतले सञ्चयकोषका सञ्चयकर्ताको लागि कम्पनीले ७१ लाख १७ हजार ५०० कित्ता साधारण सेयर निष्काशन गरेको थियो । जस मध्ये ५० देखि ३ सयसम्मको लागि आवेदन दिएका १ लाख ८५ हजार ३५ जना सञ्चयकोषका सञ्चयकर्ताले समान ३० कित्ता पाएका छन् । बाँकि रहेको १५ लाख ६६ हजार ४ सय ५० कित्ता फेरी बाँडफाद गर्दा १ लाख ५६ हजार ६ सय ४५ जनाले थप १० कित्ता पाएका छन् ।
त्यस्तै संस्थापक कम्पनीका कर्मचारीतर्फ १ सय ४० कित्ता सम्म आवेदन दिनेले माग अनुसार कै शेयर पाएका छन् । १ सय ५० देखि ३ सय कित्ताको लागि आवेदन दिनेले समान १ सय ४० कित्ता पाएका छन् । बाँकि रहेको २७ हजार ४ सय ६० कित्ता फेरी बाँडफांड गर्दा २ हजार ७ सय ४६ जनाले थप १० कित्ता पाएका छन् ।
कसरी हेर्ने नतिजा ?
आइपीओको नतिजा बिजपाटि डटकममा प्रकाशित भएको छ।
बिजपाटि डटकमको मेनुबारमा रहेको आइपीओ रिजल्ट (IPO) मा क्लिक गरेर नतिजा हेर्न सक्नु हुनेछ । तपाईले Check Your IPO Result भन्ने देख्नुहुन्छ। त्यहाँ सान्जेंन जलविद्युत र रसुवागढी हाइड्रोको संचयकोषको कर्मचारी र संस्थापकका कर्मचारीको छुट्टाछुट्टै शिर्षक छ। आफुलाई चाहिने शिर्षक छनौट गर्नुहोस। तपाईले आफ्नो नाम मात्र राखेर पनि नतिजा हेर्न सक्नुहुन्छ।