अब वाणिज्य बैंकहरुले परिवत्र्य विदेशी मुद्रामा ऋण लिन पाउने भएका छन् । नेपाल राष्ट्र बैंकले विदेशी विनिमय ऐन २०१९ को दफा खले दिएको अधिकार प्रयोग गरी बाणिज्य बैंकहरुलाई विभिन्न ११ शर्तसहित विदेशी बैंक तथा वित्तीय संस्थाबाट ऋण लिन सक्ने व्यवस्था गरेको हो ।
के के छन् शर्त ?
वाणिज्य बैंकहरुले आफ्नो प्राथमिक पूँजीको २५ प्रतिशत रकमसम्म मात्र यस्तो ऋण लिन सक्ने छन् । तर वाणिज्य बैंकहरुले यसरी लिएको ऋण रकम जग्गा, हाउजंग र रियल स्टेटमा भने लगानी गर्न पाउने छैनन् । बैंकहरुले यस्तो ऋण भौतिक पूर्वाधार, पर्यटन, कृषि, जलविद्युत तथा लघु वित्त क्षेत्रमा कर्जा प्रवाह गर्ने वित्तीय साधानको प्रबन्धका लागि प्रयोग गर्न पाउनेछन् । बैंकहरुले यस्तो ऋण एक बर्षदेखि पाँच बर्षसम्मका लागि लिन पाउनेछन् ।
विदेशबाट ऋण लिने वाणिज्य बैंकहरुले ऋण लिए बापत विदेशी बैंक तथा वित्तीय संस्थालाई कुनै किसिमको धितो, जमानत तथा बैंक ग्यारेन्टी दिन नपाइने व्यवस्था राष्ट्र बैंकले गरेको छ ।
विदेश बाट ल्याइएको ऋण रकम परिवत्र्य मुद्राको अन्तर बैंक कारोबारमा प्रयोग गर्न पाइने छैन । यस्तो ऋण लिदा पूर्व स्वीकृति, लेखाकंन तथा साँवा ब्याज भुक्तानी गरे पश्चात सोको जानकारी केन्द्रीय बैंकमा गराउनुपर्नेछ ।
यस्ता छन् अन्य शर्तहरु :