बुधबार नेपाल स्टक एक्चेन्जको आधिकारिक वेबसाइट नेपाल स्टक डट कम नचल्दा लाखौ लगानीकर्ता समस्यामा परेका छन् । बुधबार बिहानै देखि नेप्सेको साइट खुलेको छैन। साइट नखुलेको भए पनि कारोबार भने जारि छ । नेप्से साइट नचल्दासम्मको बैकल्पिक ब्यबस्था गरेको छ । लगानीकर्ताले http://118.91.175.170/ मा साइट र कारोबार बारे जानकारी लिन सक्ने छन् ।
नेप्सेका अनुसार इन्टरनेट सेवा प्रदायक वल्डलिंकमा समस्या आउँदा यस्तो समस्या आएको हो । आम लगानीकर्ताले आफ्नो घर वा कार्यालयबाट साइट हेर्न नपाएका हुन् । ब्रोकरको कार्यालयबाट भने लगानीकर्ताले बजारको सम्पूर्ण जानकारी पाई नै रहेका छन् । नेप्सेका एक अधिकारीले भने 'ब्रोकर हाउसहरुमा खुलेको , कारोबार पनि जारि छ, लगानीकर्ताले आफ्नो घर वा कार्यालयबाट मात्र समस्या भएको हो । '
यस बिषयमा वल्ड लिंक लाई जानकारी गराई सकेको र काम जारि रहेकोले केहि समयमा नै सबै स्थानमा साइट सुचारु हुने जनाए ।
उता लगानीकर्ताले भने नेप्सेले जानाजान वेबसाइट बन्द गराएर बजारमा ठुलो चलखेल गर्न लागेको आरोप लगाएका छन् । घर तथा कार्यालयबाट बजार हेरेर खरिद बिक्रि आदेश दिने लगानीकर्ता भने समस्यामा परेका हुन्।
यो समाचार तयार पार्दा सम्म बजार ११ अंकले बढेको छ ।
