उन्नति माइक्रोफाइनान्स वित्तीय संस्था लिमिटेडको यस अघिको हकप्रद प्रस्ताव परिमार्जन भएको छ । कम्पनीले यस अघि २५ प्रतिशत हकप्रद जारि गर्ने प्रस्ताव गरेकोमा अब २० प्रतिशत मात्र हकप्रद जारि गर्ने भएको छ ।
कम्पनीको फागुन २९ गते बसेको संचालक समितिको बैठकले हाल कायम पुंजी ५ करोड ५० लाख ४:१ को अनुपातमा २५ प्रतिशत हकप्रद शेयर निष्काशन गर्ने निर्णय गरेको थियो । तर कम्पनीको चैत्र २१ गते बसेको साधारणसभाले हकप्रद प्रस्ताव परिमार्जन गरी ५ :१ को अनुपातमा २० प्रतिशत हकप्रद जारी गर्ने प्रस्ताव पारित गरेको हो। अब कम्पनीले १ करोड १० लाख कित्ता हकप्रद शेयर निष्काशन गर्ने छ ।
माइक्रोफाइनान्सले पुष २१ देखि पुस २५ सम्म १ करोड ६५ लाख बराबरको १ लाख ६५ हजार कित्ता आईपिओ निष्काशन गरेको थियो । जसमा ४ प्रतिशत अर्थात् ६६०० कित्ता कर्मचारीलाई, ५ प्रतिशत अर्थात् ८२५० कित्ता सामुहिक लगानी कोषलाई र बाँकि १ लाख ५० हजार १ सय ५० कित्ता सर्बसाधारणलाई छुट्टयाइएको थियो।
हाल कम्पनको चुक्ता पुंजी ५ करोड ५० लाख रहेकोमा हकप्रद निष्काशनपछि कम्पनीको चुक्ता पुंजी ६ करोड ६० लाख पुग्ने छ । कम्पनीले चालु आर्थिक बर्षको पहिलो त्रैमासमा ४५ लाख ११ हजार खुद मुनाफा गरेको छ। रुपन्देहीमा केन्द्रिय कार्यालय रहेको यस माइक्रोफाइनान्सले १० जिल्लामा सेवा प्रदान गर्दै आएको छ ।