नयाँ बर्षको पहिलो दिन आज बैशाख १ गते बाट इन्टरनेटमार्फत शेयर खरिद बिक्रि आदेश दिन सक्ने व्यवस्था कार्यन्वयनमा आएको छ। आइतबार ब्रोकर संघका अध्यक्ष प्रियराज रेग्मीको ब्रोकर क्रिस्टल कञ्चनजंगा सेक्युरिटिजबाट यस प्रणालीको औपचारिक शुभारम्भ भएको हो।
नेपाल स्टक एक्सचेन्जका महाप्रबन्धक चन्द्र सिंह साउद, ब्रोकर संघका अध्यक्ष रेग्मी, डीएस एन्ड क्लियरिङ लिमिटेडका प्रमुख कार्यकारी अधिकृत देवप्रकाश गुप्ता, सेबोनका निर्देशक तथा प्रवक्ता निरज गिरि लगायतका अधिकारिहरुको उपस्तिथीमा धितोपत्र बोर्डका अध्यक्ष ड़ा रेवतकार्कीले अनलाइन मार्फत खरिद बिक्रिको आदेश दिन मिल्ने प्रणालीको औपचारिक उद्घाटन गरे।
आजदेखि औपचारिक रुपमा कार्यन्वयनमा आएको यो व्यवस्थाले पाइपलाइनमा रहेको अनलाइन कारोबार प्रणालीलाई सहयोग पुग्ने उद्घाटन अवसरमा बोर्डका अध्यक्ष कार्कीले बताए।
यो ब्रोकर नम्बर ५० बाट सुरु भएको यो व्यवस्था अन्य ब्रोकरहरुले पनि क्रमश लागू गर्ने बताइएको छ। हाल ब्रोकरहरुले प्रयोग गर्दै आएको बोस र मण्डला कम्पनिको ब्रोकर ब्याक अफिसमा कार्यन्वयनमा ल्याइएको सिस्टम जडान भएपछी लगानीकर्ताले ब्रोकरबाट युजर नेम र पासवर्ड लिएर अनलाइन मार्फत नै शेयर खरिद बिक्रिको आदेश दिन सक्नेछन।
अनलाइन मार्फत शेयर खरिद बिक्रि आदेशको व्यवस्था कार्यन्वयन गर्न धितोपत्र बोर्डले गत फागुन २६ गते ब्रोकरहरुलाई निर्देशन दिएको थियो। ब्रोकरहरुले आफ्नो सफ्टवेयरमा यस्तो सेवा समाबेश गरेको जानकारी गराएकाले बैशाख २ देखि नै यो सेवा लागू गर्न बोर्डले २०७४ चैत ३० गते ब्रोकरहरुलाई निर्देशन दिएको थियो।
धितोपत्र बोर्डले यो सेवालाई ब्रोकरहरुलाई अनिवार्य गरेको छ भने लगानीकर्ताका लागि भने ऐच्छिक गरिएको छ। लगानीकर्ताले माग गरेको अवस्थामा शेयरदलालले युजर नेम र पासवर्ड दिएर अनलाइन मार्फत नै शेयर खरिद बिक्रिको आदेश दिने सेवा उपलब्ध गराउनुपर्नेछ।
ब्रोकरले धेरै पहिले देखि नै इमेल, मेसेज, फोन, भाईबर, व्हवाट्स एप मार्फत शेयर खरिद बिक्रि आदेशको सेवा दिंदै आएका थिए।
मिदास स्टक ब्रोकिङ कम्पनी प्रालि (२१ नम्बर) र नासा सेक्युरिटिज कम्पनी लिमिटेड (५८ नम्बर) ले पनि आज बाट नै यो प्रणाली मार्फत आइतबार नै सेयर खरिद बिक्री आदेश कार्यान्वयनमा ल्याएका छन्। यस संगै इन्टरनेटमार्फत शेयर खरिद बिक्रि आदेश दिन सक्ने व्यवस्था कार्यन्वयन गर्ने ब्रोकर संख्या ३ पुगेको छ ।
धितोपत्र बोर्डले शुक्रबार यस्तो ब्यबस्था लागु गर्न ब्रोकरहरुलाई परिपत्र गरेको थियो । सोहि अनुसार आजबाट ३ ब्रोकरले यस्तो सेवा सुरु गरेका हुन् । क्रमश अन्य ब्रोकरहरुले पनि यस्तो सेवा सुरु गर्ने छन् ।
