लुम्बिनी विकास बैंकले लिलाममा राखेको शेयरमा आवेदन दिने आज ९ गते अन्तिम दिन रहेको छ । बैंकले बैशाख २ गतेदेखि लाख कित्ता शेयर लिलाममा राखेको थियो । कम्पनीले ३ लाख ७९ हजार ३ सय ३६ दशमलव ४४ कित्ता साधारण शेयर र २ लाख २१ हजार ९ सय ८९ दशमलव ०३ कित्ता संस्थापक शेयर लिलाममा राखेको हो ।
बैंकले १० प्रतिशत हकप्रद निष्काशन गर्दा अवितरित शेयर लिलाम गरेको हो ।
शेयर लिलाम प्रक्रियाको लागि भिवोर क्यापिटल बिक्रि प्रबन्धक रहेको छ । इच्छुक बोलकबोलदाताले न्युनतम १०० कित्ताको लागि र न्युनतम मूल्य प्रति कित्ता १०० भन्दा कम नहुने गरी आवेदन पेश गर्नु पर्नेछ । संस्थापक शेयरको हकमा संस्थापक लगानीकर्ताले मात्र आवेदन दिन पाउने छन् । बोलकबोलदाताले बिक्रि प्रबन्धक भिबोर क्यापिटलको कार्यालय कृष्णगल्लि ललितपुर्, लुम्बिनी विकास बैंकको कार्यालय डिल्लीबजार, त्रिपुरेश्वर, कान्तिपथ, न्युरोड, ठमेल तथा उपत्यका बाहिरका पोखरा न्युरोड र महेन्द्रपुल, बिराटनगर, बिरगंज, नारायणगढ, भैरहवा, बुटवल, नेपालगंज, जनकपुर तथा बनेपा शाखाबाट आवेदन दिन सक्ने छन् ।
हाल बैंकको चुक्ता पुंजी २ अर्ब १ करोड रहेकोमा हकप्रदपछि बैंकको चुक्ता पुंजी २ अर्ब २१ करोड पुग्ने छ ।
