कामना सेवा विकास बैंकले बैशाख २४ गतेदेखि हकप्रदमा अवितरित साढे ८ लाख कित्ता शेयर लिलाम गर्ने भएको छ । बैंकले गत माघ १५ गतेदेखि चैत ५ गतेसम्म १५ प्रतिसत हकप्रद निष्काशन गर्दा बिक्रि नभएका ८ लाख ४९ हजार ९ सय ६३ दशमलव ७७ कित्ता शेयर लिलाम गर्न लागेको हो ।
बैंकले निष्काशन गरेको ३० लाख ९४ हजार १५४ कित्ता हकप्रदमध्ये आवेदन दिने ३२ हजार २२२ आवेदकलाई २२ लाख ४४ हजार १९१ कित्ता हकप्रद बाँडफाँड भईसकेको छ । बैंकले बैशाख २४ गतेदेखि ३१ गतेसम्म बाँकि रहेको शेयर लिलाम गर्न लागेको हो । लिलाममा आउने शेयर मध्ये ६ लाख ३७ हजार ८ सय १६ दशमलव ९३ कित्ता शेयर संस्थापक समुहको रहेको छ भने बाँकि २ लाख १२ हजार १ सय ४६ दशमलव ८४ कित्ता सर्वसाधारण तर्फको रहेको छ ।
लगानीकर्ताले बिक्रि प्रबन्धक एनएमबि क्यापिटलको कार्यालय नागपोखरी काठमाडौँ, तथा कामना विकास बैंकको शाखाहरु ज्ञानेश्वर काठमाडौँ, पुष्पलाल पार्क बुटवल, सृजना चोक पोखरा, लायन्सचोक नारायणगढबाट आवेदन दिन सक्ने छन् । त्यस्तै एनएमबि बैंकको बिराटनगर, बिरगंज, नेपालगंज, सुर्खेत र नारायणगढ शाखाहरु बाट पनि आवेदन दिन सक्ने छन् ।
इच्छुक बोलकबोलदाताले न्युनतम १०० रुपियाँ भन्दा कम नहुने गरी न्युनतम १०० कित्ताको लागि आवेदन दिनु पर्ने छ । संस्थापाक शेयरको हकमा भने संस्थापक लगानीकर्ताले मात्र आवेदन दिन पाउने छन् ।
१५ प्रतिशत हकप्रद बिक्रि तथा वितरण पश्चात बैंकको चुक्ता पुंजी २ अर्ब ३६ करोड पुग्नेछ। हाल हाल बैंकको चुक्ता पुंजी २ अर्ब ५ करोड छ।