हकप्रद निष्काशन गर्न लागेको सिद्दार्थ इन्स्योरेन्सले बुक क्लोज मिति तय गरेको छ । कम्पनीले हकप्रद निष्काशन प्रयोजनार्थ जेठ १ गते बुक क्लोज गर्ने निर्णय गरेको हो । बैशाख ३१ सम्म कायम शेयरधनीले मात्र हकप्रद भर्न सक्ने छन् ।
कम्पनीले बैशाख २० गते धितोपत्र बोर्डबाट हकप्रद निष्काशनको अनुमाति पाएको थियो ।
सिद्दार्थ इन्स्योरेन्सले १०:३.५ को अनुपातमा ३५ प्रतिशत हकप्रद निष्काशन गर्न लागेको हो । अब कम्पनीले २२ करोड ४४ लाखको २२ लाख ४४ हजार ९ सय ७३ कित्ता हकप्रद निष्काशन गर्ने छ । कम्पनीको बिक्रि प्रबन्धक एनएमबि क्यापिटल रहेको छ ।
हकप्रद निष्काशनपछि कम्पनीको चुक्ता पुंजी ८६ करोड ६० लाख पुग्ने छ ।