रैराङ हाइड्रोपावर डेभलपमेन्ट कम्पनीले सर्बसाधारणको लागि निष्काशन गरेको आईपिओमा भोली बुधबार बाँडफांड हुने भएको छ । बिक्रि प्रबन्धक एनआईबिएल एस क्यापिटलले बुधबार बिहान ८ :३० बजे क्यापिटल कै कार्यालयमा शेयर बाँडफांड गर्ने जनाएको हो ।
आईपिओमा १६ गुणा बढी आवेदन परेको छ । कम्पनीले बैशाख ३१ गतेदेखि ८ करोड ४० लाख रुपैयाँ बराबरको ८ लाख ४० हजार कित्ता आइपिओ निष्काशन गरेको हो ।
आईपिओमा १ लाख ७५ हजार २ सय ७८ जना आवेदकले १ करोड ३५ लाख ७५ हजार ६ सय कित्ताको लागि अर्थात १ अर्ब ३५ कोर्द ७५ लाख रुपैयाँको आवेदन परेको छ। यो भेरिफाइड आवेदकको संख्या रहेको क्यापिटलले स्पष्ट पारेको छ । माग भएको यो कित्ता कुल निष्काशनको १६ गुणा भन्दा धेरै हो । आईपिओमा ९१ हजारभन्दा धेरैले शेयर नपाउने पक्का छ ।
निष्काशन गरिएको ८ लाख ४० हजार कित्ता मध्ये ३३ हजार ६ सय कित्ता कर्मचारीको लागि सुरक्षित गरिएको छ भने ४२ हजार कित्ता सामुहिक लगानी कोषहरुमा बाँडफांड गरिएको छ ।
कम्पनीले यस अघि गत जेठमा आयोजना प्रभावित पाँचथर र ताप्लेजुङका स्थानीयबासीका लागि ५ लाख ६० हजार कित्ता आइपीओ जारी गरेर बाँडफाँड समेत गरिसकेको छ ।रैराङले पाँचथर र ताप्लेजुङको सिमा क्षेत्रमा ९.९ मेगावाटको इवाखोला जलविद्युत आयोजना निमार्ण गरेको छ ।
कम्पनीको अधिकृत पुंजी १ अर्ब रहेको छ भने चुक्ता पुंजी ४२ करोड रहेको छ । सर्बसाधारणलाई आईपियो निष्काशनपछि कम्पनीको चुक्ता पुंजी ५६ करोड पुग्ने छ भने संस्थापक र सर्बसाधारणको शेयर स्वामित्व ७५:२५ पुग्ने छ ।