शेयर लगानीकर्ताहरुको संयूक्त सर्घष समितिको आन्दोलनको कारण आज दोस्रो दिन पनि शेयर कारोबार हुन् सकेको छैन । आन्तरिक राजश्व विभागले जेठ १८ गते नेपाल धितोपत्र बोर्ड, नेपाल स्टक एक्सचेञ्ज र सिडिएस एण्ड क्लियरिङ्ग हाउसलाई पत्राचार गर्दे शेयर बजारमा बोनस शेयर तथा हकप्रद शेयरको लागत मुल्य गणना गर्दा शेयरको अंकित चुक्ता मूल्यलाई लागत लिई सो आधारमा लाभको गणना गरि लाभकर असुल गर्न, गराउन निर्देशन दिएको थियो । पुँजीगत लाभकार गणना र असुल गर्नेबारे आन्तरिक राजस्व विभागको पछिल्लो निर्णयप्रति अहसमति जनाउदै लगानीकर्ताहरु आन्दोलित भएका हुन् ।
त्यस्तै वार्तामा नेपाल इन्भेष्टर्स फोरम, सेयर लगानीकर्ता संघ र पूँजीबजार लगानीकर्ता संघका प्रतिनिधिहरु सहभागी भएका छन् ।
संयुक्त संघर्ष समितिले बिभागको निर्देशनले नीतिगत अन्यौल सृजना गरेको भन्दै यो निर्णय फिर्ता नहुन्जेलसम्मका लागि सम्पूर्ण लगानीकर्ताहरुलाई कुनै पनि किसिमको खरिद बिक्रि कार्यक्रममा सहभागी नहुन समेत आग्रह गरेका छ।