उन्नति माइक्रोफाइनान्स वित्तीय संस्था लिमिटेडले हकप्रद निष्काशनको अनुमति माग गरेको छ । कम्पनीले जेठ २० गते अनुमति माग्दै नेपाल धितोपत्र बोर्डमा निवेदन दिएको हो ।
कम्पनीले ५ :१ को अनुपातमा २० प्रतिशत हकप्रद जारी गर्ने तयारी गरेको हो । कम्पनीले यस अघि २५ प्रतिशत हकप्रद जारि गर्ने प्रस्ताव गरेकोमा चैत्र २१ गते बसेको साधारणसभाले हकप्रद प्रस्ताव परिमार्जन गरी ५ :१ को अनुपातमा २० प्रतिशत हकप्रद जारी गर्ने प्रस्ताव पारित गरेको हो। अब कम्पनीले १ करोड १० लाख कित्ता हकप्रद शेयर निष्काशन गर्ने छ ।
माइक्रोफाइनान्सले पुष २१ देखि पुस २५ सम्म १ करोड ६५ लाख बराबरको १ लाख ६५ हजार कित्ता आईपिओ निष्काशन गरेको थियो । जसमा ४ प्रतिशत अर्थात् ६६०० कित्ता कर्मचारीलाई, ५ प्रतिशत अर्थात् ८२५० कित्ता सामुहिक लगानी कोषलाई र बाँकि १ लाख ५० हजार १ सय ५० कित्ता सर्बसाधारणलाई छुट्टयाइएको थियो।
हाल कम्पनीको चुक्ता पुंजी ५ करोड ५० लाख रहेकोमा हकप्रद निष्काशनपछि कम्पनीको चुक्ता पुंजी ६ करोड ६० लाख पुग्ने छ ।
