साताको अन्तिम दिन बिहिबार बजार परिसूचक नेप्से दोहोरो अंकले घटेको छ । नेप्से सूचक आज २५.६८ अंकले घटेर १२५७.०७ को बिन्दुमा पुगेर रोकिएको छ । आज कारोबारमा आएका १ सय ६६ कम्पनीका १४ लाख ४१ हजार २ सय ७७ कित्ता शेयर खरिद बिक्रि बाट ४६ करोड ८५ लाख ६० हजार ३ सय ४९ रुपैयाँको कारोबार भएको छ ।
आज मेगा बैंकको सबै भन्दा धेरै २ करोड ७ लाख बराबरको कारोबार भएको छ । अन्य बढी कारोबार हुनेमा नेपाल इन्भेस्टमेन्ट बैंक, शंग्रिला डेभलपमेन्ट संस्थापक शेयर, नेपाल लाइफ इन्स्योरेन्स, सिभिल बैंक लगायत रहेका छन् ।
आज समता माइक्रोफाइनान्सको शेयर मूल्य सबै भन्दा धेरै ३.९६ प्रतिशतले बढेको छ । त्यस्तै नागबेली लघुवित्तका लगानीकर्ताले सर्बाधिक ७.६६ प्रतिशत गुमाएका छन् ।
आज कारोबारमा आएका सबै समुहगत सूचक घटेका छन् । जस मध्ये इन्स्योरेन्स समूह सर्बाधिक १ सय ७४ अंकले घटेको छ ।
सरकारले बुधबार लाभकर गणना सम्बन्धि नयाँ ब्यबस्था तत्कालको स्थगन गरेपछि बुधबार बजारमा सुधार आएको थियो । तर प्रस्ताव फिर्ता नभई स्थगन मात्र भएकोले लगानीकर्तामा अझै त्यसको त्रास बाँकी नै रहेको आंकलन गरिएको छ ।
