माउन्टेन हाइड्रो नेपाल लिमिटेडले
असार २२ गतेदेखि आईपिओ निष्काशन गर्ने भएको छ । कम्पनीले पहिलो चरणमा आयोजना प्रभावीत स्थानीयबासीका लागि आईपिओ निष्कासन गर्न लागेको हो
। अब कम्पनीले स्थानीयको लागि १२ करोड ५० लाख रुपैयाँ बराबरको १२ लाख ५० हजार
कित्ता आईपिओ निष्कासन गर्ने छ ।
कुल १२ लाख ५० हजार कित्ता मध्ये ७
लाख ५० हजार कित्ता पाँचथरको फिदिम नगरपालिका र हिलिहाङ गाउँपालिकाका लागि र ५ लाख
कित्ता पाँचथरका अन्य क्षेत्रका स्थानीयबासिन्दालाइ छुट्टाइएको छ ।
लगानीकर्ताले न्युनतम ५० देखि
अधिकतम ६००० हजार कित्तासम्मको लागि आवेदन दिन सक्ने छन् । लगानीकर्ताले छिटोमा
साउन ४ र ढिलोमा भदौ २० गतेसम्म आवेदन दिन सकिने बिक्री प्रवन्धक सिद्धार्थ
क्यापिटलले जनाएको छ ।
इक्रा नेपालले कम्पनीको सेयरलाई ग्रेड फोर रेटिङ दिएको छ । यसले
कम्पनीको आधारभुत पक्ष औसतभन्दा कमजोर रहेको संकेत गर्छ ।
कम्पनीले पाँचथरको फिदिम गाविसमा २१.६ मेगावाटको आयोजना निर्माण गरिरहेको छ ।