रिडी हाइड्रोपावर डेभलपमेन्ट कम्पनीले शतप्रतिशत हकप्रद शेयर निष्कासन गर्ने भएको छ। कम्पनीको असार १८ गते बसेको संचालक समितिको बैठकले हाल कायम पूँजीको शतप्रतिशत हकप्रद बिक्री गर्ने निर्णय गरेको हो ।
कम्पनीको उक्त प्रस्ताव आगामी साधारणसभाबाट पारित भएपछि र नेपाल धितोपत्र बोर्डले स्वीकृतिदिए पछि हकप्रद निष्काशन हुने छ। हाल कम्पनीको चुक्ता पूँजी ५० करोड १० लाख रुपैयाँ छ । सोही परिमाणको हकप्रद बेचेपछि कम्पनीको चुक्ता पूँजी एक अर्ब २० लाख पुग्नेछ ।
हकप्रद बिक्रि बाट उठेको रकम कम्पनीले निकट भविष्यमा निमार्ण गर्न लागेको ८.५ मेगावाट क्षमताको बुटवल सोलार आयोजनामा खर्च हुने कम्पनीले जनाएको छ।