आज (असार २२) गतेबाट २ कम्पनीले आईपीओ बिक्रि खुला गरेका छन् । घलेम्दी हाइड्रो लिमिटेड र माउन्टेन हाइड्रोले आईपिओ बिक्रि खुला गरेका हुन् ।
घलेम्दी हाइड्रो लिमिटेडले स्थानीय बासिन्दाको लागि आईपिओ निष्कासन गरेको हो । कम्पनीले म्याग्दीको आयोजना प्रभावित अन्नपूर्ण गाउँपालिकाका स्थानीयबासिन्दालाई ५ करोड ५० लाख रुपैयाँ बराबरको ५ लाख ५० हजार कित्ता आईपिओ निष्कासन गरेको हो ।
स्थानीयहरुए न्यूनतम ५० कित्ता र अधिकतम २७ सय ५० कित्ताको लागि आवेदन दिन सक्ने छन् । आवेदन दिनको लागि छिटोमा साउन ४ गते र ढिलोमा साउन २० गतेसम्मको समय तोकिएको छ । यी शेयरहरु बाँडफांड भएको ३ बर्षसम्म बिक्रि गर्न पाइने छैन ।
शेयर निष्काशनको लागि कम्पनीले भिवोर क्यापिटल लिमिटेडलाई बिक्रि प्रबन्धक नियुक्त गरेको छ ।स्थानीयलाई शेयर जारी गरीसकेपछि कम्पनीले सर्वसाधारणको लागि शेयर जारी गर्नेछ ।
कम्पनीले म्याग्दीमा ५ मेगावाटको घलेम्दी जलविद्युत् आयोजना निमार्ण गरिरहेको छ ।
त्यस्तै माउन्टेन हाइड्रो नेपाल लिमिटेडले पनि पहिलो चरणमा आयोजना प्रभावीत स्थानीयबासीका लागि आईपिओ निष्कासन गरेको हो । कम्पनीले स्थानीयको लागि १२ करोड ५० लाख रुपैयाँ बराबरको १२ लाख ५० हजार कित्ता आईपिओ निष्कासन गरेको हो ।
कुल १२ लाख ५० हजार कित्ता मध्ये ७ लाख ५० हजार कित्ता पाँचथरको फिदिम नगरपालिका र हिलिहाङ गाउँपालिकाका लागि र ५ लाख कित्ता पाँचथरका अन्य क्षेत्रका स्थानीयबासिन्दालाइ छुट्टाइएको छ ।
लगानीकर्ताले न्युनतम ५० देखि अधिकतम ६००० हजार कित्तासम्मको लागि आवेदन दिन सक्ने छन् । लगानीकर्ताले छिटोमा साउन ४ र ढिलोमा भदौ २० गतेसम्म आवेदन दिन सकिने बिक्री प्रवन्धक सिद्धार्थ क्यापिटलले जनाएको छ ।
इक्रा नेपालले कम्पनीको सेयरलाई ग्रेड फोर रेटिङ दिएको छ । यसले कम्पनीको आधारभुत पक्ष औसतभन्दा कमजोर रहेको संकेत गर्छ ।
कम्पनीले पाँचथरको फिदिम गाविसमा २१.६ मेगावाटको आयोजना निर्माण गरिरहेको छ ।