नयाँ नेपाल लघुवित्तले हकप्रद निष्काशनको प्रयोजनार्थ बुक क्लोज मिति तय गरेको छ । कम्पनीले
१:२.५ को अनुपातमा २ सय ५० प्रतिशत हकप्रद निष्काशन गर्न लागेको हो । लघुवित्तले हकप्रद निष्काशनका लागि श्रावण ७ गते एक दिनको लागि सेयर धनी दर्ता किताब बन्द गर्ने जनाएको छ । साउन ६ गतेसम्म कायम शेयरधनीले मात्र हकप्रद भर्न पाउने छन् ।
कम्पनीले ६ करोड रुपैयाँ बराबरको ६ लाख कित्ता शेयर निष्काशन गर्न लागेको हो । हाल लघुवित्तको चुक्ता पूँजी २ करोड ४० लाख रुपैयाँ रहेको छ । हकप्रद निष्काशन पश्चात लघुवित्तको चुक्ता पूँजी ८ करोड ४० लाख रुपैयाँ पुग्नेछ । कम्पनीको बिक्रि प्रबन्धक एनएमबि क्यापिटल रहेको छ ।