साताको कारोबार दोस्रो दिन आज सोमबार बजार परिसूचक नेप्से स्थिर रहेको छ । आज सूचक ०.४४ अंकको झिनो अन्तरले घटेर ११९४.३८ को बिन्दुमा पुगेर रोकिएको छ । आज कारोबारमा आएका १ सय ७० कम्पनीका १२ लाख ८४ हजार ९ सय ४४ कित्ता शेयर खरिब बिक्रिबाट २९ करोड ६१ लाख ५६ हजार २ सय ५२ रुपैयाँको कारोबार भएको छ ।
आज माछापुच्छ्रे बैंक लिमिटेडको सर्बाधिक ६ करोड ३४ लाख बराबरको कारोबार भएको छ । अन्य बढी कारोबार हुनेमा एनसीसी बैंक, जलविद्युत लगानी तथा विकस कम्पनी, एनएमबी बैंक, नेपाल बैंक लगायत रहेका छन् ।
आज कारोबारमा आएका बैंकिंग, विकास बैंक, फाइनान्स र उत्पदन समुह बाहेकका सबै सूचक घटेका छन् ।
आज नेपाल सेवा लघुवित्तका लगानीकर्ताले सर्बाधिक ५.८३ प्रतिशत तथा तिनाउ विकास बैंकका लगानीकर्ताले ५.२३ प्रतिशत कमाएका छन् । नाफा कमाउने अन्य कम्पनीमा जेबिल्स फाइनान्स, जानकी फाइनान्स, मितेरी डेभलपमेन्ट बैंक लगायत रहेका छन् ।
आज सिटी एक्सप्रेस फाइनान्स लिमिटेडका लगानीकर्ताले सर्बाधिक ९.५२ प्रतिशत गुमाएका छन् । अन्य बढी गुमाउनेमा वल्ड मर्चेन्ट बैंकिंग एण्ड फाइनान्स, जलविद्युत लगानी तथा विकास कम्पनी, रैरांग हाइड्रो लगायत रहेका छन् ।