लाइफ इन्स्योरेन्स कर्पोरेशन (नेपाल) लिमिटेडले लाभांश घोषणा गरेको छ । कम्पनीको आज २४ गते बिहिबार बसेको संचालक समितिको बैठकले ३६ प्रतिशत बोनस शेयर र १.८९ प्रतिशत नगद लाभांश वितरण गर्ने प्रस्ताव गरेको हो ।
बैठकले आर्थिक बर्ष २०७३/७४ को मुनाफाबाट हाल कायम रहेको चुक्ता पू‘जी १ अर्ब ३३ करोड ४६ लाख ७७ हजारको ३६ प्रतिशत बोनस तथा बोनसमा लाग्ने कर प्रयोजनको लागि १.८९४७४ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव बीमा समितिले स्वीकृति दिएपछि कम्पनीको आगामी संचालक समितिले पारित गरेपछि लगानीकर्तामा वितरण हुनेछ ।
३६ प्रतिशत बोनसपछि कम्पनीको चुक्ता पुंजी १ अर्ब ८१ करोड १५ लाख पुग्ने छ ।
