पोखरा फाइनान्सले गत आर्थिक बर्षबाट वितरण गर्ने लाभांश घोषणा गरेको छ। फाइनान्सको साउन २८ मा बसेको संचालक समितिको बैठकले गत आर्थिक बर्षको कमाई र जगेडा कोषबाट ५ प्रतिशत बोनस सेयर र ८.६८४ प्रतिशत नगद लाभांश गरि १३।६८४ प्रतिशत लाभांश प्रस्ताब गरेको नेप्से मार्फत जनाइएको छ।
उक्त प्रस्ताब नेपाल राष्ट्र बैंक र फाइनान्सको आगामी बार्षिक साधारणसभाले पारित गरेपश्चात शेयरधनिहरुमा लाभांश वितरण हुनेछ। यस अवधिमा फाइनान्सको चुक्ता पुंजी ८१ करोड ६४ लाख छ। लाभांश वितरण पछी फाइनान्सको चुक्ता पुंजी ८५ करोड ७२ लाख पुग्नेछ। अघिल्लो आर्थिक बर्ष फाइनान्सले १३ प्रतिशत लाभांश वितरण गरेको थियो।