स्वरोजगार लघुवित्त वित्तीय संस्थाले लाभांश घोषणा गरेको छ । कम्पनीको साउन ३१ गते बसेको सञ्चालक समितिको बैठकले गत बर्षको कमाईबाट २० प्रतिशत बोनस शेयर र कर प्रयोजनको लागि १.०५२६ प्रतिशत नगद लाभांश वितरण गर्ने प्रस्ताव गरेको हो।
कम्पनीको उक्त प्रस्ताव नेपाल राष्ट्र बैंकले अनुमति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुनेछ । हाल कम्पनीको चुक्ता पुंजी १२ करोड २४ लाख रुपैयाँ रहेकोमा प्रस्तावित बोनसपछि चुक्ता पूँजी १४ करोड ६९ लाख पुग्नेछ । लघुवित्तले गत आर्थिक बर्षमा तीन करोड ६५ लाख रुपैयाँ खुद नाफा गरेको थियो ।