साताको कारोबारको पहिलो दिन आज आइतबार शेयर बजार परिसूचक नेप्से दोहोरो अंकले घटेको छ। आज नेप्से सूचक १४.०३ अंकले घटेर ११९६.२९ को बिन्दुमा पुगेर रोकिएको छ। आज कारोबारमा आएका १ सय ६० कम्पनीका १५ लाख ६४ हजार ६ सय ९२ कित्ता शेयर खरिद बिक्रिबाट ३२ करोड ५२ लाख ३४ हजार ७ सय ११ रुपैयाँको कारोबार भएको छ।
आज ग्रामिण विकास लघुवित्तको सबैभन्दा धेरै ३ करोड ४५ लाख बराबरको कारोबार भएको छ । अन्य बढी कारोबार हुनेमा ओम डेभलपमेन्ट बैंक, नबिल बैंक संस्थापक शेयर, इन्भेस्टमेन्ट बैंक संस्थापक शेयर लगायत रहेका छन् ।
आज कारोबारमा आएका सबै समुहगत सूचक घटेका छन् ।
आज खानी खोला हाइड्रोका लगानीकर्ताले सर्बाधिक ५.११ प्रतिशत कमाएका छन् । अन्य बढी कमाउनेमा स्वरोजगार लघुवित्त (३.२१ %), ग्रामिण विकास लघुवित्त (२.१० %), एनएमबी सुलभ इन्भेस्टमेन्ट फण्ड १ (१.९६ %), राष्ट्रिय बिमा कम्पनी संस्थापक शेयर (१.९६ %) लगायत रहेका छन् ।
आज नागबेली लघुवित्तका लगानीकर्ताले सर्बाधिक ५.३७ प्रतिशत गुमाएका छन् । अन्य बढी गुमाउनेमा आईसीएफसी फाइनान्स, शाइन रेसुंगा डेभलपमेन्ट बैंक, लुम्बिनी विकास बैंक, जलविद्युत् लगानी तथा विकास कम्पनी लगायत रहेका छन् । आज ओम डेभलपमेन्ट बैंकको सर्बाधिक १ लाख २७ हजार ३ सय ८४ कित्ता शेयर खरिद बिक्रि भएका छन् । प्राइम बैंकसँग मर्जरमा जाने भएपछि ओमको कारोबार बढेको हो ।
प्राइम बैंकले ओम डेभलपमेन्ट बैंकलाई गाभ्ने सम्झौतामा आज हस्ताक्षर, स्वाप रेसियो कति ?