महालक्ष्मी विकास बैंकले लाभांश घोषणा गरेको छ । बैंकको सोमबार बसेको संचालक समितिको बैठकले लगानीकर्तालाई १५ प्रतिशत लाभांश वितरण गर्ने प्रस्ताव गरेको हो ।
बैंकले आर्थिक बर्ष ७४/७५ को मुनाफाबाट ८ प्रतिशत बोनस र ७ प्रतिशत नगद गरी कुल १५ प्रतिशत लाभांश दिने प्रस्ताव गरेको हो । उक्त प्रस्ताव नेपाल राष्ट्र बैंकले अनुमति दिएपछि र बैंकको साधारणसभाले पारित गरेपछि लगानीकर्तालाई वितरण हुनेछ ।
बैंकले गत आर्थिक बर्ष ५६ करोड ११ लाख खुद नाफा कमाएको थियो ।
हाल कम्पनीको चुक्ता पूँजी दुई अर्ब ६३ करोड ३७ लाख रुपैयाँ रहेकोमा आठ प्रतिशत बोनस पछि बैंकको चुक्ता पूँजी २ अर्ब ८४ करोड ४५ लाख रुपैयाँ पुग्नेछ ।
