साताको कारोबारको अन्तिम दिन आज बिहिबार बजार परिसूचक नेप्से बढेको छ । आज नेप्से सूचक ९.३९ अंकले बढेर ११८१.६९ को बिन्दुमा पुगेर रोकिएको छ । आज कारोबारमा आएका १ सय ६७ कम्पनीका ६ लाख ९४ हजार ३ सय ७८ कित्ता शेयर खरिद बिक्रिबाट २१ करोड ८ लाख ७३ हजार ३ सय ७२ रुपैयाँको कारोबार भएको छ ।
आज एनआईसी एसिया बैंकको सर्बाधिक २ करोड ९ लाख बराबरको कारोबार भएको छ । अन्य बढी कारोबार हुनेमा नेपाल लाइफ इन्स्योरेन्स, इन्भेस्टमेन्ट बैंक संस्थापक शेयर , एनएमबि बैंक, एनएलजी इन्स्योरेन्स लगायत रहेका छन् ।
आज कारोबारमा आएका होटेल्स समुह बाहेकका सबै समुहगत सूचक बढेका छन् ।
आज नाडेप लघुवित्तका लगानीकर्ताले सर्बाधिक ८.८८ प्रतिशत कमाएका छन् । अन्य बढी कमाउनेमा स्वदेशी लघुवित्त, पुर्णिमा विकास बैंक, आरम्भ माइक्रोफाइनान्स, नेपाल सेवा लघुवित्त लगायत रहेका छन् ।
आज शप्तकोशी डेभलपमेन्ट बैंकका लगानीकर्ताले सर्बाधिक ३.४१ प्रतिशत गुमाएका छन् । अन्य बढी गुमाउनेमा छ्यांङदी हाइड्रो, भार्गव विकास बैंक, बेस्ट फाइनान्स , ग्लोबल आईएमई लघुवित्त लगायत रहेका छन् ।
