साताको कारोबारको तेस्रो दिन मंगलबार बजार परिसूचक नेप्से बढेको छ । आज सूचक ३.९८ अंकले बढेर १२१०.२४ को बिन्दुमा पुगेर रोकिएको छ । आज कारोबारमा आएका १७२ कम्पनीका १७ लाख ७५ हजार २२ कित्ता शेयर खरिद बिक्रि बाट ५२ करोड ७५ लाख ३३ हजार ८ सय ४७ रुपैयाँको कारोबार भएको छ । नेप्सेमा लामो समयपछि लगातार २ दिन आधा अर्ब भन्दा माथिको कारोबार भएको हो ।
आज नेपाल इन्भेस्टमेन्ट बैंकको संस्थापक शेयरको सबै भन्दा धेरै १० करोड १८ लाख बराबरको कारोबार भएको छ । अन्य बढी कारोबार हुनेमा एनआईसी एसिया, नेपाल लाइफ इन्स्योरेन्स, लक्ष्मी बैंक, एनएमबी बैंक लगायत रहेका छन् ।
आज काबेली विकास बैंकका लगानीकर्ताले सर्बाधिक ९.२६ प्रतिशत कमाएका छन् । अन्य बढी कमाउनेमा एभरेस्ट बैंक कन्भर्टीबल शेयर, एनआईसी एसिया बैंक, लक्ष्मी बैंक, सिभिल बैंक लगायत रहेका छन् ।
आज अरुण काबेलीका लगानीकर्ताले सर्बाधिक ३.९८ प्रतिशत गुमाएका छन् । अन्य बढी गुमाउनेमा गुर्खाज फाइनान्स, सेन्ट्रल फाइनान्स, हाथवे फाइनान्स लगायत रहेका छन् ।
।