कुमारी बैंकले नगद लाभांश लिन बाँकि रहेका सम्पूर्ण शेयरधनीहरुलाई लाभांश लिनको लागि अनुरोध गरेको छ । नगद लाभांश पारित भई वितरण भएको ५ बर्ष हुँदासम्म पनि लगानीकर्ताहरु नगद लाभांश लिन नआएकोले आफ्नो लाभांश लिन बैंकले अनुरोध गरेको हो ।
हाल कुमारी बैंकको र यसले गाभेका बैंकहरु (काष्ठमण्डप डेभलपमेन्ट बैंक, काक्रेबिहार विकास बैंक, महाकाली विकास बैंक, र पश्चिमान्चल विकास बैंक) को गरी ६९ लाख २६ हजार ९ सय ५२ नगद लाभांश भुक्तानी लगानीकर्ताले लिन बाँकि रहेको बैंकले जनाएको छ । भुक्तानी पुर्जा लिई नगद लाभांश लिनको लागि बैंकले आग्रह गरेको हो । साथै बैंकले नगद लाभांश लिन बाँकि शेयरधनीको नाम आफ्नो वेबसाइटमा प्रकशित गरेको पनि जनाएको छ ।
