नेप्सेमा सुचिकृत दुईवटै बोटलर्स नेपाल कम्पनीले लाभांश घोषणा गरेका छन् । बोटलर्स नेपाल लिमिटेड र बोटलर्स नेपाल तराई लिमिटेडले नगद लाभांश घोषणा गरेका हुन् ।
जस अनुसार बोटलर्स नेपाल लिमिटेडले २० प्रतिशत नगद लाभांश तथा बोटलर्स नेपाल तराई लिमिटेडले ४० प्रतिशत नगद लाभांश प्रस्ताव गरेको छ । दुवै कम्पनीको संचालक समितिको बैठकले नगद लाभांश प्रस्ताव गरेको हो ।
कम्पनीको आगामी साधारणसभाले पारित गरेपछि लगानीकर्ताले लाभांश पाउने छन् ।
बोटलर्स नेपाल लिमिटेडको चुक्ता पुंजी १९ करोड ४८ लाख रहेको छ भने बोटलर्स नेपाल तराई लिमिटेडको पुंजी १२ करोड १० लाख रहेको छ । बोटलर्स नेपालले असोज १५ गते तथा तराइले १६ गते साधारणसभा आह्वान गरेको छ।