साताको कारोबारको दोस्रो दिन बजार परिसूचक नेप्से घटेको छ । आज नेप्से सूचक ८.१० अंकले घटेर १२१०.८८ को बिन्दुमा रोकिएको छ । आज कारोबारमा आएका १६२ कम्पनीका ११ लाख ५९ हजार ७ सय ७२ कित्ता शेयर खरिद बिक्रिबाट २७ करोड ७५ लाख २१ हजार ९ सय ६७ रुपैयाँको कारोबार भएको छ ।
आज हाथवे फाइनान्सको संस्थापक शेयरको सबै भन्दा धेरै २ करोड ९८ लाख बराबरको कारोबार भएको छ । अन्य बढी कारोबार हुनेमा ग्लोबल आईएमई बैंक, एनआईसी एसिया बैंक, कुमारी बैंक, एनएमबी बैंक लगायत रहेका छन् । आज सपोर्ट माइक्रोफाइनान्सका लगानीकर्ताले सर्बाधिक ९.६३ प्रतिशत कमाएका छन् । अन्य बढी कमाउनेमा आरम्भ माइक्रोफाइनान्स (८.०८ %), मेरो माइक्रोफाइनान्स (७.८७ %), फरवार्ड माइक्रो फाइनान्स (५.७० %), स्वदेशी लघुवित्त (३.९९ %), नेरुदी लघुवित्त (३.९९ %) रहेका छन् ।
आज ग्रिन डेभलपमेन्ट बैंकका लगानीकर्ताले सर्बाधिक ९.५२ प्रतिशत गुमाएका छन् । अन्य बढी गुमाउनेमा श्रीजना फाइनान्स, सिद्दार्थ इन्स्योरेन्स, शप्तकोशी डेभलपमेन्ट बैंक, सहयोगी विकास बैंक, ज्योति विकास बैंक लगायत रहेका छन् ।
आज कारोबारमा आएका उत्पादन र माइक्रोफाइनान्स बाहेकका सबै सूचक घटेका छन् ।
