गरिमा विकास बैंकले लाभांश घोषणा गरेको छ । बैंकको सोमबार बसेको संचालक समितिको बैठकले गत आर्थिक बर्षको मुनाफाबाट १० प्रतिशत बोनस शेयर र ३.७५ प्रतिशत नगद लाभांश दिने प्रस्ताव गरेको हो ।
उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुनेछ । हाल बैंकको चुक्ता पुंजी २ अर्ब ५३ करोड ४८ लाख ७९ हजार ९ सय ९७ रुपैयाँ रहेकोमा प्रस्तावित बोनस वितरणपछि बैंकको चुक्ता पुंजी २ अर्ब ७८ करोड ८३ लाख पुग्ने छ ।