हकप्रद निष्काशनको तयारीमा रहेको स्वदेशी लघुवित्तले नगद लाभांश मात्र वितरण गर्ने भएको छ । कम्पनीको भदौ २६ गते बसेको संचालक समितिको बैठकले गत आर्थिक बर्षको मुनाफाबाट १० प्रतिशत नगद लाभांश वितरण गर्ने प्रस्ताव गरेको हो ।
बैठकले शतप्रतिशत हकप्रद निष्काशन पश्चात कायम हुने चुक्ता पुंजीको १० प्रतिशतका दरले २ करोड ३० लाख बराबरको नगद लाभांश बितरण गर्ने प्रस्ताव गरेको हो । साथै कर प्रयोजनको लागि १२ लाख १० हजार ५ सय २६ रुपैयाँ वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट बैंकले अनुमति दिएपछि कम्पनीको आगामी साधारणसभाले पारित गरेपछि लगानीकर्तामा वितरण हुनेछ ।
हाल कम्पनीको चुक्ता पुंजी ११ करोड ५० लाख रहेकोमा शत प्रतिशत हकप्रदपछि चुक्ता पुंजी २३ करोड पुग्ने छ । कम्पनीले हकप्रद निष्काशन प्रयोजनार्थ भदौ २५ गते बुक क्लोज गर्ने निर्णय गरेकोले भदौ २४ गतेसम्म कायम शेयरधनीले मात्र हकप्रद भर्न पाउने छन् । कम्पनीले हकप्रद निष्काशन मिति भने तोकेको छैन ।
