मुक्तिनाथ विकास बैंकले लाभांश घोषणा गरेको छ । बैंकको भदौ २७ गते बसेको संचालक समितिको बैठकले शेयर लाभांश र नगद लाभांश गरी कुल १९.२१ प्रतिशत लाभांश प्रस्ताव गरेको हो ।
बैठकले १८.२५ प्रतिशतका दरले हुन् आउने ४९ करोड ७८ लाख ९१ हजार ३ सय ७५ रुपैयाँ बराबरको शेयर लाभांश र कर वापत ०.९६ प्रतिशतले हुन् आउने २ करोड ४८ लाख ९४ हजार ५ सय ६९ रुपैयाँ बराबरको नगद लाभांश बितरण गर्ने प्रस्ताव गरेको हो ।
बैंकको उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुनेछ । हाल बैंकको चुक्ता पुंजी २ अर्ब ५९ करोड १७ लाख रहेकोमा प्रस्तावित बोनस वितरणपछि बैंकको चुक्ता पुंजी ३ अर्ब ६ करोड ४७ लाख पुग्ने छ ।
