नेपाल स्टक एक्चेन्ज नेप्सेले युनिलिभर नेपाल लिमिटेडलाई २४ घण्टे स्पष्टीकरण सोधेको छ । कम्पनीले नगद लाभांश सम्बन्धि सुचना ढिलो गरी नेप्सेलाई जानकारी गराएकोले यस बिषयमा स्पष्टीकरण सोधेको हो ।
कम्पनीको भदौ १२ गते बसेको संचालक समितिको बैठकले लगानीकर्तालाई ७ सय प्रतिशत नगद लाभांश दिने प्रस्ताव गरेको थियो । तर कम्पनीले त्यसको जानकारी भदौ २८ गते मात्र नेप्सेलाई जानकारी गराएको थियो ।
बजार मूल्यलाई प्रभाव पार्ने सूचना हरु तत्काल निर्णय हुना साथ नेप्सेलाई जानकारी गराउनु पर्ने प्रावधान छ । कम्पनीले यस नियमको उल्लघन गरेपछि नेप्सेले युनिलिभरको धारणा माग्दै कम्पनीलाई किन कारबाही नगर्ने पनि प्रश्न सोधेको हो । साथै पत्र प्राप्त भएको २४ घण्टाभित्र स्पष्टीकरण पेश गर्न नेप्सेले निर्देशन दिएको हो ।
कम्पनीको कारोबार पनि स्थगन गरिएको नेप्सेले जनाएको छ ।