कालिका पावर कम्पनी लिमिटेडले बिहिबारदेखि निष्काशन गरेको आईपिओमा आवेदन दिने आज असोज १ गते अन्तिम दिन रहेको छ । कम्पनीले सर्बसाधारणलाई १२ लाख कित्ता आईपिओ निष्काशन खुला गरेको हो । १२ लाख कित्ता मध्ये २४ हजार कित्ता कर्मचारीको लागि र ६० हजार कित्ता सामुहिक लगानी कोषको लागि छुट्याइएको छ । लगानीकर्ताले असोज १ गतेसम्म आईपिओमा आवेदन दिन सक्ने छन् । आवेदन दिंदा न्युनतम ५० कित्ता र अधिकतम अधिकतम ६ हजा कित्ताको लागि आवेदन दिनु पर्ने छ ।
बिक्रि प्रबन्धक ग्लोबल आईएमई क्यापिटलले दिएको जानकारी अनुसार पहिलो दिन २९ हजार २ सय ८८ जना आवेदकबाट २० लाख ७३ हजारको कित्ताको लागि आवेदन परिसकेको छ । यो माग गरिए भन्दा १.७२ गुणा बढीको आवेदन हो ।
कम्पनीको अईपिओलाई इकरा नेपालले ग्रेड फोर को रेटिंग प्रदान गरेको छ । यसले कम्पनीको आधारहरु औशत भन्दा तल रहेको दर्शाउछ ।
शेयर निष्काशनको लागि काठमाडौँ क्यापिटल मार्केट र ग्लोबल आईएमई क्यापिटल बिक्रि प्रबन्धक रहेका छन् । अईपिओ निष्काशनपछि कम्पनीको चुक्ता पुंजी ६० करोड पुग्ने छ । कम्पनीले आफ्नो विवरण पत्रमा आर्थिक बर्ष ७५/७६ देखि नै शेयर लाभांश दिने प्रस्ताव गरेको छ । कम्पनीले यस बर्ष ३ करोड बराबरको बोनस शेयर दिने प्रक्षेपण आफ्नो विवरण पत्रमा गरेको छ, जुन ५ प्रतिशत हो ।
यस अघि कम्पनीले आयोजना प्रभावित गोरखाका स्थानीय बासिन्दालाई जारि पुंजीको १० प्रतिशत अर्थात ६ लाख कित्ता शेयर निष्काशन गरी सकेको छ । कम्पनीले गोरखामा ६ मेगावाटको दरौंदी 'ए' परियोजना संचालन गरिरहेको छ।
