तिनाउ विकास बैंकले लाभांश घोषणा गरेको छ । बैंकको आइतबार बसेको संचालक समितिको बैठकले गत आर्थिक बर्षको मुनाफाबाट १२ प्रतिशत बोनस र कर प्रयोजनको लागि ०.६३१ प्रतिशत नगद लाभांश वितरण गर्ने प्रस्ताव गरेको हो ।
बैंकले बोनस र नगद गरी कुल ६ करोड ३३ लाख लाभांश प्रस्ताव गरेको हो ।
बैंकको उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तालाई वितरण हुनेछ ।
हाल बैंकको चुक्ता पुंजी ५० करोड ६० लाख रहेकोमा प्रस्तावित १२ प्रतिशत बोनसपछि बैंकको चुक्ता पुंजी ५६ करोड ७७ लाख पुग्ने छ ।