समीट माइक्रोफाइनान्सले लाभांश घोषणा गरेको छ । कम्पनीको आइतबार बसेको संचालक समितिको बैठकले शेयर प्रिमियम र गत बर्षको मुनाफाबाट २३.५३ प्रतिशत बोनस शेयर दिने प्रस्ताव गरेको हो ।
कम्पनीले चुक्ता पुंजीको २३.५३ प्रतिशतले हुन् आउने ४ करोड बराबरको बोनस शेयर र कर प्रयोजनको लागि १.२४ प्रतिशतले हुन् आउने २१ लाख ५ हजार २ सय ६३ रुपैयाँ बराबरको नगद लाभांश दिने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले अनुमति दिएपछि र कम्पनीको आगामी साधारणसभाले पारित गरेपछि लगानीकर्तालाई वितरण हुनेछ ।
हाल कम्पनीको चुक्ता पुंजी १७ करोड रहेकोमा प्रस्तावित बोनसपछि कम्पनीको चुक्ता पुंजी २१ करोड पुग्नेछ ।
