साताको कारोबारको अन्तिम दिन बजार परिसूचक नेप्से सूचक घटेको छ । आज नेप्से सूचक ३.७४ अंकले घटेर १२५५.०७ को बिन्दुमा पुगेर रोकिएको हो । आज कारोबारमा आएका १ सय ६७ कम्पनीका २० लाख १५ हजार ८ सय २९ कित्ता शेयर खरिद बिक्रिबाट ५५ करोड ५० लाख ६१ हजार ५ सय २ रुपैयाँको कारोबार भएको छ ।
आज सानिमा माई हाइड्रोको सबै भन्दा धेरै ७ करोड ४६ लाख बराबरको कारोबार भएको छ । अन्य बढी कारोबार हुनेमा एनआईसी एसिया, एनएमबी बैंक, प्रभु बैंक, नबिल बैंक, देव विकास बैंक लगायत रहेको छ ।
आज ग्लोबल आईएमई सम्मुनत स्किम १ का लगानीकर्ताले सर्बाधिक १० प्रतिशत कमाएका छन् । अन्य बढी कमाउनेमा एनआईसी एसिया , देव विकास बैंक, सेन्ट्रल फाइनान्स लगायत रहेका छन् ।
आज सिनर्जी पावर डेभलपमेन्ट बैंकका लगानीकर्ताले सर्बाधिक ५.८८ प्रतिशत गुमाएका छन् । अन्य बढी गुमाउनेमा हिमालय पावर पार्टनर, युनाइटेड फाइनान्स, अरुण भ्याली हाइड्रो, सानिमा इक्विटी फण्ड लगायत रहेका छन् ।
आज होटेल, विकास बैंक र अन्य बाहेकका सबै समुहगत सूचक घटेका छन् ।