मेरो माइक्रोफाइनान्स वित्तीय संस्था लिमिटेडले शत प्रतिशत हकप्रद निष्काशनको प्रस्ताव गरेको छ । कम्पनीको असोज ९ गते बसेको संचालक समितिको बैठकले गत आर्थिक बर्षको प्रस्तावित बोनस वितरणपछि कायम हुन् आउने चुक्ता पुंजीको १०० प्रतिशतले हुन् आउने हकप्रद निष्काशन गर्ने प्रस्ताव गरेको हो ।
लघुवित्तको साउन २९ मा बसेको संचालक समितिको बैठकले गत आर्थिक बर्षको नाफाबाट १५ प्रतिशत बोनस सेयर र कर प्रयोजन सहित ११.३२ प्रतिशत नगद लाभांश गरि २६.३२ प्रतिशत लाभांश प्रस्ताब गरेको थियो । १५ प्रतिशत बोनसपछि कम्पनीको चुक्ता पुंजी ३२ करोड ८९ लाख पुग्नेछ। त्यसपछि शतप्रतिशत हकप्रद वितरण गर्दा कम्पनीको चुक्ता पुंजी ६५ करोड ७८ लाख पुग्ने छ ।
हकप्रद प्रस्ताव भने आगामी साधारणसभाले पारित गरेपछि र धितोपत्र बोर्डले अनुमति दिएपछि निष्काशन हुने छ ।