नेप्सेले मक ट्रेडिङ सुरु गरेको एक साताभन्दा बढी समय बिती सकेपछि लगानीकर्ताले सहज रुपमा मक ट्रेडिङ गर्न पाएका छैनन् । मक ट्रेडिङको लागे हरेक लगानीकर्ताले आफुले कारोबार गर्न ब्रोकरमा गएर आफ्नो केवाईसी अपडेट गराई युजर र पासवर्डको लागि एउटा फर्म भर्नु पर्छ । त्यसपछि ब्रोकरले आईडी र पासवर्ड दिने गरेको छ । तर बेला बेलामा मक ट्रेडिङको सिस्टममा समस्या आएर लगानीकर्ताले आईडी पासवर्ड नै पाउन सकेका छैनन् ।
आईडी र पासवर्ड लिएकाहरुले पनि ब्रोकरको कारणले गर्दा अर्डर गर्न सकिरहेका छैनन् । ब्रोकरहरुले एउटा सामान्य काम नगरिदिंदा लगानीकर्ताहरुले मक ट्रेडिङमा आफ्नो अर्डर राख्न नपाएका हुन् । मक ट्रेडिङमा अर्डर राख्नको लागि हरेक ब्रोकरले अनिवार्य रुपमा डिएनए लगईन गरी नेप्सेको म्यचिंग इन्जिनसंग कनेक्ट गराउनू पर्छ । यो नभई सिस्टममा अर्डर राख्न मिल्दैन । यस बारे नेप्सेले ब्रोकरलाई मक ट्रेडिङको अन्तरक्रियाको दौरान पनि पटक पटक जानकारी गराएको थियो । साथै मक ट्रेडिङको म्यानुअलको सुरु मै पनि नेप्सेले यस बारे जानकारी गराएको छ ।
तर ब्रोकरहरुले यो एउटा सामान्य काम गर्न अल्छी गर्दा लगानीकर्ताहरुले अर्डर राख्न नपाएका हुन् । ब्रोकरले सिस्टम कनेक्ट नगरेको भए अर्डर राख्दा “ME_NOT_LOGGED_IN” समस्या देखिने बताएको छ । यस्तो देखिएमा ब्रोकरलाई डिएनए लग ईन गर्नको लागि अनुरोध गर्न नेप्सेले सबै लगानीकर्तालाई आग्रह गरेको छ । र आफैले पनि हरेक दिन डिएनए लग ईन गर्न नेप्सेले आग्रह गरेको छ ।
नेप्सेले मक ट्रेडिङको समयमा अन्य कुनै समस्या आएमामा आफ्नो ब्रोकरले प्रदान गरेको यूआरएल, ब्रोकर नम्बर, लगानीकर्ताको आफ्नो कोड, इमेल ठेगाना र समस्याको स्क्रिन शट राखेर [email protected] इमेल गर्न आग्रह गरेको छ ।
यो पनि :
सहजपुर्वक भएन मक ट्रेडिङ, पूर्ण सिस्टम आउनै अझै एक साता लाग्ने