आरएसडीसी लघुवित्तले लाभांश घोषणा गरेको छ । कम्पनीको असोज १३ गतेको संचालक समितिको बैठकले लगानीकर्तालाई गत बर्षको मुनाफाबाट ५ प्रतिशत बोनस तथा ५ प्रतिशत नगद गरी कूल दश प्रतिशत लाभांश वितरण गर्ने प्रस्ताव गरेको हो ।
कम्पनीले ५ प्रतिशतले हुन् आउने २ करोड ८७ लाख ९६ हजार बराबरको बोनस र ५ प्रतिशतले नै हुन् आउने २ करोड ८७ लाख ९६ हजार बराबरको नगद लाभांश वितरण गर्ने प्रस्ताव गरेको हो।
कम्पनीको उक्त प्रस्ताव नेपाल राष्ट्र बैंकले अनुमति दिएपछि र कम्पनीको आगामी साधारणसभाले पारित गरेपछि लगानीकर्तालाई वितरण हुनेछ । हाल कम्पनीको चुक्ता पुंजी ५७ करोड ५९ लाख रहेकोमा प्रस्तावित बोनस वितरणपछि कम्पनीको चुक्ता पुंजी ६० करोड ४७ लाख पुग्नेछ ।
