सोमबार नेपाल स्टक एक्चेन्ज नेप्सेमा आरएसडीसी लघुवित्तको शेयर सुचिकृत भएको छ । नेप्सेमा कम्पनीको २१ लाख ५९ हजार ७ सय कित्ता हकप्रद शेयर सूचिकृत भएको हो ।
लघुवित्तले गत असार १७ गतेबाट साउन २० गतेसम्म ५:३ को अनुपातमा हकप्रद निष्काशन गरेको थियो ।
कम्पनीले लगानीकर्तालाई गत बर्षको मुनाफाबाट ५ प्रतिशत बोनस तथा ५ प्रतिशत नगद गरी कूल दश प्रतिशत लाभांश वितरण गर्ने प्रस्ताव गरेको छ । हाल कम्पनीको चुक्ता पुंजी ५७ करोड ५९ लाख रहेकोमा प्रस्तावित बोनस वितरणपछि कम्पनीको चुक्ता पुंजी ६० करोड ४७ लाख पुग्नेछ ।