स्वदेशी लघुवित्तले आज असोज २३ गते हकप्रद निष्काशन बिक्रि खुला गरेको छ । कम्पनीले एक बराबर एक अनुपातमा ११ करोड ५० लाख रुपैयाँको ११ लाख ५० हजार कित्ता हकप्रद निष्काशन गरेको हो ।
हकप्रद निष्काशन प्रयोजनार्थ कम्पनीले भदौ २५ गते बुक क्लोज गर्ने निर्णय गरेकोले भदौ २४ गतेसम्म कायम शेयरधनीले मात्र हकप्रद भर्न पाउने छन् । हकप्रद निष्काशनको लागि एनआईसी एशिया क्यापिटल बिक्रि प्रबन्धक रहेको छ। लगानीकर्ताले स्वदेशी लघुवित्तकाे कायार्लय इटहरी र सम्पूर्ण शाखा कायार्लयहरू, बिक्री प्रबन्धक एनआईसी एशिया क्यापिटल बबरमहल, तथा धितोपत्र बोर्डबाट सि-आश्वा अनुमति प्राप्त सम्पूर्ण बैंक तथा वित्तीय संस्था र तिनका शाखा कार्यालय मार्फत अावेदन दिन सक्ने छन ।
हाल कम्पनीको चुक्ता पुंजी ११ करोड ५० लाख रहेकोमा शत प्रतिशत हकप्रदपछि चुक्ता पुंजी २३ करोड पुग्ने छ । कम्पनीले यस अघि शतप्रतिशत हकप्रद निष्काशन पश्चात कायम हुने चुक्ता पुंजीको १० प्रतिशतका दरले २ करोड ३० लाख बराबरको नगद लाभांश बितरण गर्ने प्रस्ताव गरेकोमा प्राविधिक कारण देखाउदै लाभांश प्रस्ताव खारेज गरेको छ ।
