मंगलबार बजार परिसूचक नेप्से सामान्य अंकले घटेको छ । आज नेप्से सूचक २.५९ अंकले घटेर १२१७.९३ को बिन्दुमा पुगेर रोकिएको हो । आज कारोबारमा आएका १ सय ६० कम्पनीका १० लाख १८ हजार ७९ कित्ता शेयर खरिद बिक्रिबाट ३४ करोड ३२ लाख ९४ हजार ४ सय ३० रुपैयाँको कारोबार भएको छ ।
आज नाडेप लघुवित्तको सर्बाधिक ३ करोड ८५ लाख बराबरको कारोबार भएको छ । अन्य बढी कारोबार हुनेमा चिलिमे हाइड्रो, एनआईसी एसिया, सानिमा माइ हाइड्रो, माछापुच्छ्रे बैंक लगायत रहेका छन् ।
आज कारोबारमा आएका अन्य बाहेकका सबै समुहगत सूचक घटेका छन् ।
आज नेपाल सेवा लघुवित्तका लगानीकर्ताले सर्बाधिक ६.८१ प्रतिशत कमाएका छन् । अन्य बढी कमाउनेमा ग्लोबल आईएमई लघुवित्त, पोखरा फाइनान्स लगायत रहेका छन् । आज नेपाल इन्स्योरेन्सका लगानीकर्ताले सर्बाधिक ४,१८ प्रतिशत गुमाएका छन् । अन्य बढी गुमाउनेमा महिला सहयात्रा माइक्रोफाइनान्स, प्रोग्रेशिभ फाइनान्स, रिडी हाइड्रोपावर लगायत रहेका छन् ।
आज माछापुच्छ्रे बैंकको सबैभन्दा धेरै ६३ हजार ९ सय २७ कित्ता शेयर खरिद बिक्रि भएका छन् ।