सानिमा बैंकले दुर्इ अर्ब रूपैयाँकाे ऋणपत्र निष्काशनको अनुमति पाएको छ । नेपाल धितोपत्र बोर्डले बैंकलाई बुधबार ऋणपत्र निष्काशनको अनुमति दिएको हो। अब बैंकले प्रतिकित्ता एक हजार रुपैयाँ दरमा २० लाख कित्ता ऋणपत्र निष्काशन गर्ने छ । '१०% सानिमा डिवेञ्चर २०८५' नाम दिइएको उक्त ऋणपत्रमा बार्षिक १० प्रतिशत ब्याजदर प्राप्त हुनेछ । ऋणपत्र निष्काशनको लागि काठमाडौँ क्यापिटल बिक्री प्रबन्धक रहेको छ छ ।
कुल ऋणपत्रमध्ये २० प्रतिशत अर्थात ४० करोड रुपैयाँ सर्वसाधारणका लागि बिक्री गरिने छ भने बाँकि ८० प्रतिशत अर्थात एक अर्ब ६० करोड रुपैयाँ व्यक्तिगत तवर मार्फत बिक्री हुनेछ । अर्ध वार्षिक रुपमा व्याज भुक्तानी गरिने उक्त ऋणपत्रको अवधि १० वर्ष तोकिएको छ ।