अनलाईन ट्रेडिङ सुरुवातको पुर्वसन्ध्यामा बजार परिसूचक नेप्से दोहोरो अंकले बढेको छ । आज नेप्से सूचक ११.९२ अंकले बढेर १२१९.२० को उचाईमा पुगेर रोकिएको छ । आज कारोबारमा आएका १ सय ५५ कम्पनीका ८ लाख २२ हजार २ सय ७ कित्ता शेयर खरिद बिक्रिबाट २४ करोड ४५ लाख ७० हजार ५ सय ५२ रुपैयाँको कारोबार भएको छ ।
आज प्रभु बैंकको सर्बाधिक ४ करोड १७ लाख बराबरको कारोबार भएको छ । अन्य बढी कारोबार हुनेमा नेपाल टेलिकम, एनआईसी एसिया बैंक, जनता बैंक, नेपाल बैंक लगायत रहेका छन् ।
आज लक्ष्मी लघुवित्तका लगानीकर्ताले सर्बाधिक ६ प्रतिशत कमाएका छन् । अन्य बढी कमाउनेमा ग्लोबल आईएमई लघुवित्त, नाडेप लघुवित्त, अरुण भ्याली हाइड्रो, सहयोगी विकास बैंक लगायत रहेका छन् ।
आज शृजना फाइनान्सका लगानीकर्ताले सर्बाधिक १.८६ प्रतिशत गुमाएका छन् । अन्य बढी गुमाउनेमा अरुण काबेली हाइड्रो, हाथवे फाइनान्स, एभरेस्ट इन्स्योरेन्स, कालिका पावर लगायत रहेका छन् ।
नेप्सेले भोली मंगलबारदेखि शेयर बजारमा अनलाइन प्रणालीको सुरुवात गर्दै छ ।