सिद्दार्थ बैंकले आज मंसिर २३ गतेदेखि दुई अर्ब २५ करोड रूपैयाँको बराबरको ऋणपत्र (डिवेञ्चर) को बिक्रि खुला गरेको छ । बैंकले प्रतिकित्ता एक हजार रुपैयाँ अंकित मूल्यमा २२ लाख ५० हजार कित्ता ऋणपत्र निष्काशन गरेको हो । यो मध्ये २० प्रतिशत अर्थात ४५ करोड रुपैयाँ सर्वसाधारणका लागि र ८० प्रतिशत अर्थात एक अर्ब ८० करोड रुपैयाँ व्यक्तिगत तबरबाट बिक्रीमा आएको सिद्धार्थ बैंकले जनाएको छ ।
१०.५% एसबिएल डिवेञ्चर २०८२ नाम दिइएको यस ऋणपत्रमा अर्धवार्षिक रुपमा बार्षिक १०.५ प्रतिशत ब्याज पाउने छन् । ऋणपत्रको निष्काशन तथा बिक्री प्रबन्धक एनआईबिएल एस क्यापिटल रहेको छ ।
इच्छुक लगानीकर्ताले छिटोमा मंगसिर १६ गतेसम्म र त्यस अवधिमा पर्याप्त आवेदन नआएमा पुस २३ गतेसम्म आवेदन दिन सक्ने छन् । न्यूनतम २५ कित्ता र अधिकतम एक लाख कित्तासम्मका लागि आवेदन दिन सकिने छ । सीआश्वा सदस्य प्राप्त सम्पूर्ण बैंक तथा वित्तीय संस्था र मेरोशेयर अनलाइनबाट आवेदन दिन सकिने बिक्री प्रबन्धक एनआईबिएल एस क्यापिटलले जनाएको छ ।