आज पुस ३ गते मंगलबार २ वटा कम्पनीको लाभांश सुरक्षित गर्ने अन्तिम दिन रहेको छ । आरएमडीसि लघुवित्त RMDC Laghubitta Bittiya Sanstha Limited र हिमालयन डिस्टिलरी Himalayan Distillery Limited ले पुस ४ गते बुक क्लोज बुक क्लोज गर्दै छन् । भोलि बुक क्लोज हुने हुँदा आजसम्म शेयर किन्नेले मात्र कम्पनीले प्रस्ताव गरेको लाभांश (नगद वा बोनस) को लागि योग्य हुनेछन । त्यस्तै संचालक समितिको निर्वाचन समेत साधारणसभाको प्रस्तावमा भए उम्मेदवार हुन् र मतदान गर्न सक्नेछन् ।
आरएमडीसि लघुवित्तको पौष २० गते २० सौं वार्षिक साधारणसभा हुँदैछ | कम्पनीले १० प्रतिशत बोनस र १० प्रतिशत नगद लाभांश घोषणा गरेको छ । त्यस्तै संस्थापक समुहबाट ४ जना संचालकको निर्वाचन गर्ने र लेखापरीक्षक नियुक्तिको प्रस्ताव समेत रहेको छ ।
त्यस्तै हिमालयन डिस्टिलरीको पनि पौष २५ गते १८ रौँ वार्षिक साधारणसभा गर्दैछ । कम्पनीले कर सहित २१ दशमलव शून्य ५ प्रतिशत नगद लाभांश प्रस्ताव गरेको छ।