नेपाल स्टक एक्चेन्ज नेप्सेमा आँखुखोला हाइड्रोपावर कम्पनीको ८० लाख कित्ता साधारण शेयर सुचिकृत भएको छ । बुधबार कम्पनीको शेयर सुचिकृत भएको हो ।
शेयर सुचिकृत भएसंगै कम्पनीको शेयर कारोबार पनि खुला भएको छ । कम्पनीको AKJCL सिम्बलबाट कारोबार सुरु भएको हो । कम्पनीको पहिलो कारोबारको लागि नेप्सेले ६८.९० देखि २०६.७० सम्मको सुरुवाती रेन्ज तोकेको छ । नेप्सेले पहिलो कारोबारको लागि कम्पनीको नेट वर्थको ३ गुणासम्म रेन्ज तोक्ने गरेको छ ।
कम्पनीले असोज २३ गतेदेखि २६ गतेसम्म सर्वसाधारणलाई १३ करोड ७६ लाख दुई हजार रुपैयाँको १३ लाख ७६ हजार २० कित्ता आइपिओ निष्काशन गरेको थियो । आईपीओ कार्तिक ११ गते बाँडफांड भएको थियो ।
शेयर बाँडफांड भएको झन्डै २ महिनापछि कम्पनीको कारोबार खुलेको हो ।
यो पनि :
आँखुखोला हाइड्रोको आईपिओ बाँडफाँड, ६१ जनाको आबेदन रद्द हुँदा कतिले पाए शेयर ?
