एभरेस्ट इन्स्योरेन्स Everest Insurance Company Limited ले निष्काशन गरेको हकप्रद भर्ने आज अन्तिम दिन रहेको छ । कम्पनीले पहिलो चरणमा मंसिर १६ गतेदेखि संस्थापक शेयरधनीहरुको लागि १:१.०५ को अनूपातमा १०५ प्रतिशत हकप्रद निष्काशन गरेको हो । कम्पनीले १४ करोड ३ लाख ३२ हजार, ५ सय रुपैया बराबरको १४ लाख ३ हजार ३ सय २५ कित्ता शेयर निष्काशन गरेको हो ।
शेयर निष्काशनको लागि कम्पनीले सिद्दार्थ क्यापिटललाई बिक्रि प्रबन्धक चयन गरेको छ । हकप्रदको लागि कार्तिक २७ गते बुक क्लोज भएकोले कार्तिक २६ गतेसम्म कायाम शेयरधनीले मात्र हकप्रदमा आवेदन दिन पाउने छन् । लगानीकर्ताले यस हकप्रदमा आज पुस २२ गतेसम्म आवेदन दिन सक्ने छन् । लगानीकर्ताले एभरेस्ट इन्स्योरेन्सको शाखा कार्यालयहरु, सिद्दार्थ क्यापिटलको कार्यालय नक्साल र सम्पूर्ण सी आश्वा बैंक तथा वित्तीय संस्थाबाट लगानीकर्ताले आवेदन दिन सक्ने छन् ।
यस हकप्रदपछि कम्पनीमा संस्थापक तथा साधारण सेयरधनीको स्वामित्व ५१ : ४९ प्रतिशत कायम हुनेछ । ५१:४९ शेयर स्वामित्व कायम भएपछि कम्पनीले पुन ३ सय प्रतिशत हकप्रद जारी गर्ने छ । ३ सय प्रतिशत हकप्रदपछि कम्पनीको चुक्ता पुंजी एक अर्ब ९ करोड ५९ लाख रुपैयाँ कायम हुनेछ ।
