उन्नति माइक्रोफाइनान्स Unnati Microfinance Bittiya Sanstha Limited ले फागुन १३ गतेदेखि हकप्रद निष्काशन गर्ने भएको छ । कम्पनीले ५ :१ को अनुपातमा २० प्रतिशत हकप्रद बिक्रि गर्न लागेको हो ।
कम्पनीले यस अघि २५ प्रतिशत हकप्रद जारि गर्ने प्रस्ताव गरेकोमा चैत्र २१ गते बसेको साधारणसभाले हकप्रद प्रस्ताव परिमार्जन गरी ५ :१ को अनुपातमा २० प्रतिशत हकप्रद जारी गर्ने प्रस्ताव पारित गरेको हो। अब कम्पनीले १ लाख १० हजार कित्ता हकप्रद शेयर निष्काशन गर्ने छ । हकप्रद निष्काशनका लगनी कम्पनीले माघ १६ गते बुक क्लोज गरेकोले माघ १५ गतेसम्म कायम शेयरधनीले मात्र हकप्रद भर्न पाउने छ । लगानीकर्ताले चैत्र १७ गतेसम्म हकप्रद भर्न सक्ने छन् ।
धितोपत्र बोर्डले पुस २० गते कम्पनीलाई हकप्रद निष्काशन गर्ने अनुमति दिएको हो । हकप्रद शेयर निष्काशनको लागि सिद्दार्थ क्यापिटल बिक्रि प्रबन्धक रहेको छ । उन्नति माइक्रोफाइनान्सका सम्पूर्ण शाखाहरु, सिदार्थ क्यापिटल र सम्पूर्ण सी आश्वा सदस्य बैंक तथा वित्तीय संस्थाबाट हकप्रद भर्न सकिने छ । मेरोशेयर मार्फत अनलाइन बाट सिधै पनि हकप्रदको लागि आवेदन दिन सक्ने छन् ।
