पाँचथर पावर कम्पनी लिमिटेडले स्थानीयलाई निष्काशन गरेको आईपिओ बाँडफांड गरेको छ । कम्पनीले पुस ३० गतेदेखि पहिलो चरणमा आयोजना प्रभाववित स्थानीयहरुको लागि ९ लाख ६२ हजार ५ सय कित्ता शेयर निष्काशन गरेको थियो । जस मध्ये १८.१६ प्रतिशत मात्रै अर्थात एक लाख ७४ हजार ७५० कित्ता शेयरको लागि मात्र आवेदन परेको बिक्रि प्रबन्धक सानिमा क्यापिटलले जनाएको छ । माग गरिए भन्दा कम आवेदन परेकोले सबै आवेदकलाई माग गरे अनुसार कै शेयर वितरण गरिएको क्यापिटलले जनाएको छ ।
अब कम्पनीले स्थानीयले नकिनेको शेयर थप गरेर दोस्रो चरणमा सर्वसाधारणलाई १७ लाख ५० हजार २५० कित्ता शेयर सर्वसाधारणमा निष्काशन गर्नेछ । हाल कम्पनीको चुक्तापूँजी ७६ करोड रुपैयाँ रहेकोमा आइपिओ जारी गरेपछि कम्पनीको पूँजी ९५ करोड पुग्नेछ । कम्पनीले पांचथरमा १४.९ मेगावाटको हेवा खोला ए आयोजना निर्माण गरी विद्युत उत्पादन गरिरहेको छ ।